पुलाच्या कठड्यास ठोकला गेल्याने एक ठार ; डांगर बु. येथील घटना

अमळनेर : भरधाव वेगाने दुचाकी गाडी चालवणे एकाच्या जीवावर चांगलेच बेतले असून त्याला जीव गमवावा लागला आहे. धुळ्याकडून अमळनेर येत असताना डांगर बु. गावाजवळ ही घटना घडली.

या बाबत सविस्तर वृत्त असे की, नावरा – नावरी जि. धुळे येथील धनराज भिकन पाटील (वय 40) हा त्याच्या एम. एच. 18 PS 1189 ह्या गाडीने धुळ्याकडून अमळनेरच्या दिशेने येत होता. त्याची दुचाकी गाडी भरधाव वेगाने होती. अमळनेर तालुक्यातील डांगर बु. गावाजवळ आल्यावर माईन नदीच्या कठड्याला त्याची गाडी ठोकली गेली व गाडी जोराने ठोकली गेली असल्याने तो माईन नदीच्या पाण्यात बुडाला, त्याला मार लागल्याने तो ठार झाला असून या बाबत पुढील तपास अमळनेर पोलीस करीत आहेत.