अमळनेर बसस्थानक समोरील घटना; सुदैवाने चालक बचावला

अमळनेर : रिक्षा घरी असल्याचा फायदा घेत एका हौशी चालकाने रिक्षा चालवायला काढली. रिक्षा चालवण्याचा आनंद घेत तिला अमळनेर बस स्थानकापर्यंत त्याने आणली, मात्र याठिकाणी वर्दळ जास्त असते म्हणून कदाचित त्या चालकाचा रिक्षा वरील ताबा सुटला असावा व यामुळे रिक्षा सरळ नाल्यात गेली. यावेळी बघणाऱ्यांची मोठ्या प्रमाणात गर्दी देखील जमा झाली होती. तर काही लोकांनी त्याला बाहेर काढले व मोठ्या धाडसाने नाल्यात उतरून रिक्षा देखील बंद केली.

दरम्यान सुदैवाने संबंधित चालक बचावला असून या अपघातात कुणालाही काही इजा झालेली नाही.