प्रभाग 1 मध्ये राजेंद्र यादव यांना उत्स्फूर्त प्रतिसाद
शिवसेना पक्षाकडून अधिकृत उमेदवारी
अमळनेर : नगरपरिषद निवडणुकीला वेग आला असून प्रभाग क्रमांक 1 ब मध्ये मतदारांची वाढती उत्सुकता जाणवत आहे. विविध उमेदवार स्वतःच्या पद्धतीने प्रचाराला चालना देत असताना शिवसेनेचे उमेदवार तथा माजी सैनिक राजेंद्र यादव यांच्या प्रचाराला विशेष गती मिळत आहे.
देशसेवेत योगदान दिलेल्या राजेंद्र यादव यांची प्रतिमा आणि त्यांच्या पत्नी, माजी नगरसेविका शीतल यादव यांनी केलेल्या समाजकार्याचा ठसा मतदारांच्या मनावर स्पष्टपणे उमटलेला दिसतो. घरा-घरांत होत असलेल्या भेटींमध्ये नागरिक त्यांचे स्वागत करत असून, “कामावर विश्वास, गाजावाजाला नाही” अशी ओळख त्यांच्याबाबत तयार झाली आहे.
प्रभागातील तरुण, महिला आणि ज्येष्ठ मतदारांकडून मिळणारा वाढता प्रतिसाद लक्षवेधी आहे. गाठीभेटींमध्ये अनेक नागरिक पुढाकार घेऊन पाठिंबा दर्शवत आहेत. परिसरातील मूलभूत समस्या सोडवणाऱ्या आणि विकासाला प्राधान्य देणाऱ्या नेतृत्वाची गरज असल्याचे मत मतदार व्यक्त करत आहेत—आणि त्या अपेक्षांचे केंद्र म्हणून राजेंद्र यादव यांच्याकडे पाहिले जात आहे.
