महाराष्ट्र राज्य पत्रकार संघाचा पुरस्कार वितरण सोहळा व विभागीय अधिवेशन संपन्न…

अमळनेर येथील डॉ.अनिल शिंदे, बाजार समिती सभापती अशोक पाटील व के.डी. पाटील राज्यस्तरीय पुरस्काने सन्मानित

अमळनेर : महाराष्ट्र राज्य पत्रकार संघाचे विभागीय अधिवेशन नुकतेच पाचोरा येथे संपन्न झाले. या अधिवेशनात पुरस्कार देखील वितरित करण्यात आले आहेत. यावेळी अनेक मान्यवरांना विविध क्षेत्रात उल्लेखनीय कार्य केल्याबद्दल पुरस्कार देऊन गौरविण्यात आले आहे. यात अमळनेर येथील डॉ. अनिल शिंदे, सभापती अशोक आधार पाटील आणि के.डी. पाटील अशा तिघांचा समावेश आहे.

नानासो. डॉ. अनिल शिंदे

 अमळनेर येथे वैद्यकीय क्षेत्रात उल्लेखनीय कार्य केल्याबद्दल डॉ. अनिल शिंदे यांना वैद्यकीय क्षेत्रातला राज्यस्तरीय पुरस्कार देण्यात आला आहे. डॉ. अनिल शिंदे यांनी आज पर्यंत अनेक गोर – गरीब रुग्णांचे प्राण वाचवले आहेत. आपल्या नर्मदा मेडिकल फाउंडेशन व इंजिनिअरिंग कॉलेजच्या माध्यमातून त्यांनी शेकडो तरुणांना रोजगार दिला आहे. म्हणून त्यांना हा राज्यस्तरीय पुरस्कार महाराष्ट्र राज्य पत्रकार संघाकडून देण्यात आला आहे.

भाऊसो.मा. अशोक आधार पाटील – सभापती

अमळनेर बाजार समितीचे विद्यमान सभापती अशोक आधार पाटील यांना देखील कृषी क्षेत्रात कार्य केल्याबद्दल पुरस्कार देऊन गौरविण्यात आले. त्यांनी कृषी क्षेत्रात चांगले कार्य केले व सभापती झाल्यापासून शेतकऱ्यांसाठी उत्तम कार्य केले तर त्यांच्या माध्यमातून अनेक लोकांना रोजगार देखील मिळाला आहे. आपली शेती देखील अशोक पाटील यांनी उत्तम रित्या केली आहे. संशोधनात्मक शेती पद्धतीवर त्यांचे लक्ष आहे. यांसह अनेक उत्तम कार्य केल्याबद्दल त्यांना कृषी क्षेत्रातील राज्यस्तरीय पुरस्कार देऊन गौरविण्यात आले.

बापूसो. के.डी. पाटील

अमळनेर येथील गोर-गरिब विद्यार्थ्यांना शिक्षित करण्याचं काम के.डी. पाटील म्हणजेच कैलास पाटील यांनी केलेले आहे. अनेक गरीब मुलांना के.डी. पाटील यांनी स्वखर्चाने शिक्षणात मदत केली आहे. विविध सामाजिक कामांमध्ये के.डी. पाटील हे आघाडीवर राहत असतात. त्यांच्या या कार्याची दखल घेत महाराष्ट्र राज्य पत्रकार संघाने त्यांना शिक्षण क्षेत्रातील राज्यस्तरीय पुरस्कार देऊन गौरविले आहे.

हे पुरस्कार महाराष्ट्राचे मुख्यमंत्री एकनाथ शिंदे यांच्या हस्ते प्रदान करण्यात येणार होते, मात्र शिंदे यांच्या प्रकृतीमुळे २९ रोजीचे सर्व कार्यक्रम रद्द करण्यात आले होते. त्यांचे प्रतिनिधी म्हणून पाचोऱ्याचे आमदार किशोर पाटील व महाराष्ट्र राज्य पत्रकार संघाचे प्रदेश सरचिटणीस डॉ. विश्वासराव आरोटे, प्रदेश कार्याध्यक्ष प्रवीण सपकाळे, विभागीय अध्यक्ष किशोर रायसाकडा यांच्या हस्ते हे पुरस्कार प्रदान करण्यात आले. दरम्यान अमळनेर येथील तिघी पूरस्कारार्थींवर अभिनंदनाचा वर्षाव होत आहे.