माजी आमदार शिरीष चौधरी उद्या फुंकणार रणशिंगे…
विधानसभा निवडणुकीच्या पार्श्वभूमीवर उद्या शिरीष चौधरी मित्र परिवार आघाडीचा पदाधिकारी मेळावा
अमळनेर : विधानसभा मतदार संघाचे माजी आमदार शिरीष चौधरी उद्या मित्र परिवार आघाडीचा मेळावा घेऊन रणशिंगे फुंकणार आहेत. उद्या बुधवारी दुपारी ४ वाजता हा मेळावा अमळनेर येथील गलवाडे रोड वरील अंबिका मंगल कार्यालयात संपन्न होणार आहे.
माजी आमदार चौधरी २०१४ साली अपक्ष उमेदवार असतांना भरघोस मातांना निवडून आले होते. तर २०१९च्या निवडणूकित भाजपचे अधिकृत उमेदवार असतांना त्यांना अत्यंत कमी फरकाने पराभवाचा सामना करावा लागला होता. मात्र या वर्षी शिरीष चौधरी भारतीय जनता पक्षाच्या माध्यमातून निवडणूक लढतात की अपक्ष म्हणून लढतात हे उद्या समजणार आहे.
दरम्यान माजी आमदार चौधरी यांना राष्ट्रवादी काँग्रेस पक्ष – शरद पवार, शिवसेना – उद्धव ठाकरे गट व भारतीय जनता पक्ष यांच्याकडून निवडणूक लढण्याची ऑफर असल्याचे खात्रीशीर सूत्रांकडून समजते. मात्र शिरीष चौधरी यांचे जास्त कार्यकर्ते अपक्ष लढण्यासाठी आग्रही असल्याचे समजते. कारण चौधरी यांचे इतर पक्षात असलेले देखील अनेक कार्यकर्ते आहेत. म्हणून आता शिरीष चौधरी काय निर्णय घेतात हे येत्या काही दिवसांमध्ये कळेल.
