ऑक्टोबर महिन्यात होऊ शकते विधानसभा निवडणूक

अमळनेर : विधानसभा क्षेत्रातून गायब झालेले अनेक पुढारी आता विधानसभा निवडणूक तोंडावर येताच पुन्हा राजकीय प्रवाहात येण्याचे संकेत दिसत आहेत. अनेक पुढारी २०१९ च्या विधानसभा निवडणुकीपासून गायब झाले होते. तर काही मधील काही काळात गायब झाले. मात्र आता काही महिन्यांवर निवडणूक असल्याने अनेकांचे शुभेच्छा फलक झळकत आहेत तर सामाजिक माध्यमांवर देखील त्यांच्याबाबत अनेक संदेश दिसत आहेत.

हरियाणा विधानसभेचा पंचवार्षिक कार्यकाळ 3 नोव्हेंबर रोजी संपणार असून त्या पाठोपाठ म्हणजेच २६ नोव्हेंबर २०२४ रोजी संपणार आहे. त्या आधी निवडणुका होणे अपेक्षित आहे. महाराष्ट्र व हरियाणा यांच्या निवडणुका काही वर्षांपासून सोबत होत आहेत. त्याच प्रमाणे या वर्षी देखील होण्याची शक्यता असून हि निवडणूक ऑक्टोंबर महिन्याच्या तिसऱ्या किंवा चौथ्या आठवड्यात होण्याची दाट शक्यता वर्तवण्यात आहे. म्हणून काही पुढाऱ्यांनी आता पासून मोर्चे बांधणी सुरु केली आहे. म्हणजेच ते आता राजकीय प्रवाहात येण्याची तयारी करीत आहेत.

सुमारे पाच महिन्यांवर निवडणूक असून आताच अनेक पुढाऱ्यांच्या नावाची चर्चा सुरु झाली आहे. तर काही पुढारी दिनांक ४ जून रोजी लोकसभा निवडणुकीची हवा जिकडे फिरेल त्यावरून रणनीती ठरवण्याच्या तयारीत असल्याचे कळते.

मात्र अमळनेर विधानसभा निवडणुकीच्या आखाड्यात अनेक नेते आपली उमेदवारी घेण्याच्या तयारीत आहेत हे नक्की !