नियमित स्वच्छता होत नसल्याने दुर्गंधीचा प्रश्न गंभीर

अमळनेर : शहरातील वेंडर कार्यालयाच्या समोर असलेल्या मुतारीमुळे परिसरात मोठ्या प्रमाणात दुर्गंधी पसरली असून, या दुर्गंधीचा नागरिकांना मोठा त्रास सहन करावा लागत आहे. कार्यालयात विविध कामांसाठी दररोज नागरिकांची मोठ्या प्रमाणावर ये-जा असते. मात्र कार्यालयाच्या अगदी समोरच अस्वच्छता आणि दुर्गंधीचे वातावरण निर्माण झाल्याने नागरिकांमध्ये नाराजी व्यक्त होत आहे.

वेंडर कार्यालयाच्या समोर असलेल्या मुतारीची नियमित स्वच्छता व देखभाल होत नसल्याने वेंडर कार्यालयासमोर मुतारीमुळे दुर्गंधी पसरत आहे. नागरिक त्रस्तसल्याने दुर्गंधीचा प्रश्न गंभीर बनला असल्याचे नागरिकांचे म्हणणे आहे. परिसरातून ये-जा करताना नागरिकांना दुर्गंधीचा सामना करावा लागत असून, काही वेळा नाक मुठीत धरूनच मार्ग काढावा लागत आहे. विशेषतः कार्यालयीन कामानिमित्त येणाऱ्या नागरिकांना या समस्येचा मोठा त्रास सहन करावा लागत आहे.

स्वच्छतेचा प्रश्न ऐरणीवर

वेंडर कार्यालयासमोर मुतारीमुळे दुर्गंधी; नागरिक त्रस्त शहरातील सार्वजनिक ठिकाणे स्वच्छ ठेवण्यासाठी प्रशासनाकडून विविध उपाययोजना केल्या जात असल्या तरी वेंडर कार्यालयासमोरील परिस्थिती पाहता स्वच्छतेचा प्रश्न ऐरणीवर आला आहे. मुतारीची नियमित साफसफाई न झाल्यास दुर्गंधी वाढण्याबरोबरच परिसरात अस्वच्छता निर्माण होण्याची शक्यता आहे. त्यामुळे संबंधित प्रशासनाने या समस्येकडे गांभीर्याने पाहणे गरजेचे आहे.

नागरिक संतप्त; लाजिरवाणी परिस्थिती

कार्यालयासारख्या सार्वजनिक ठिकाणाच्या समोरच दुर्गंधी व अस्वच्छतेचे वातावरण असणे ही लाजिरवाणी बाब असल्याच्या प्रतिक्रिया नागरिकांकडून व्यक्त होत आहेत. नागरिकांच्या आरोग्याचा आणि सार्वजनिक स्वच्छतेचा विचार करून संबंधित यंत्रणेने तातडीने या ठिकाणी स्वच्छता करावी, अशी मागणी होत आहे.

महिलांसह ज्येष्ठ नागरिकांनाही त्रास

वेंडर कार्यालयात विविध कामांसाठी महिला, ज्येष्ठ नागरिक तसेच परिसरातील नागरिक येत असतात. कार्यालयाच्या प्रवेशमार्गाजवळच दुर्गंधी असल्याने सर्वांनाच त्रास सहन करावा लागत आहे. सार्वजनिक ठिकाणी स्वच्छ व आरोग्यदायी वातावरण असणे आवश्यक असताना अशा प्रकारची परिस्थिती निर्माण होणे चिंताजनक असल्याचे नागरिकांचे म्हणणे आहे.

नियमित स्वच्छतेची मागणी

मुतारीची तातडीने स्वच्छता करून परिसरात दुर्गंधीनाशक औषधांची फवारणी करावी, परिसराची नियमित साफसफाई करावी तसेच मुतारीची देखभाल करण्यासाठी कायमस्वरूपी व्यवस्था करावी, अशी मागणी नागरिकांनी केली आहे. केवळ एकदाच साफसफाई न करता नियमितपणे स्वच्छता राखली जावी, अशीही अपेक्षा व्यक्त होत आहे.

प्रशासनाने या समस्येची तातडीने दखल घेऊन नागरिकांना दुर्गंधी व अस्वच्छतेपासून दिलासा द्यावा, अशी अपेक्षा व्यक्त होत आहे.