इच्छुक उमेदवारांसाठी दिव्य लोकतंत्रचे व्यासपीठ….
मतदार संघासाठी तुमचे ध्येय मांडा, व उपस्थित जनतेला उत्तरे द्या
अमळनेर : मतदार संघात इच्छुक उमेदवारांची भाऊ गर्दी मोठ्या प्रमाणात वाढली असून यांचे ध्येय / व्हिजन काय आहे हे अद्याप समजत नाहीये. जनता देखील या बाबत संभ्रमात आहे. ज्यांनी साधी ग्रामपंचायत सदस्याची निवडणूक लढली नाही किंवा जिंकली नाही ते देखील या निवडणुकीत आमदार व्हायची स्वप्न पाहत आहेत. त्यांच्यासाठी दिव्य लोकतंत्र व्यासपीठ उभं करीत असून त्यांनी तेथे येऊन मतदार संघासाठी त्यांचे काय ध्येय आहे हे स्पष्ट करायचे आहे. व त्या ठिकाणी उपस्थित जनतेच्या देखील प्रश्नांची उत्तरे द्यावी लागणार आहे.
दरम्यान विधानसभेसाठी सुमारे दीड ते दोन डझन उमेदवार गुडघ्याला बाशिंग बांधून तयार आहेत. यातील किती लोक याठिकाणी येण्याची हिम्मत करतात हे पाहणे गरजेचे ठरेल.
