झोक्याच्या दोरीने गळफास लावून एकाची आत्महत्या
अमळनेर तालुक्यातील तासखेडे येथील घटना
अमळनेर : तालुक्यातील तासखेडे येथील एकाने राहत्या घराच्या हॉल मध्ये झोक्याच्या दोरीने गळफास घेऊन आत्महत्या केल्याची घटना काल संध्याकाळी घडली.
या बाबत सविस्तर वृत्त असे की, अमळनेर तालुक्यातील तासखेडे येथील बन्सीलाल शिवलाल पाटील यांनी आपल्या राहत्या घरात झोक्याच्या दोरीने गळफास घेऊन आत्महत्या केली आहे. ही घटना काल संध्याकाळी सुमारे 5 वाजता घडली. या बाबत सीताराम पाटील यांनी दिलेल्या खबरीवरून अमळनेर पोलीस ठाण्यात आकस्मिक मृत्यूची नोंद करण्यात आली असून पुढील तपास पोलीस हवालदार सुनील पाटील हे करीत आहेत.
