अमळनेरात राष्ट्रवादी शरदचंद्र पवार पक्षाची जिल्हाध्यक्ष यांच्या अध्यक्षतेखाली बैठक
तालुकाध्यक्ष सचिन पाटील यांचे पदाधिकारी व कार्यकर्त्यांना उपस्थितीचे आवाहन
अमळनेर : राष्ट्रवादी काँग्रेस शरदचंद्र पवार पक्षाची महत्त्वपूर्ण बैठक आज शुक्रवारी दुपारी २ वाजता शहरातील सुजाण मंगल कार्यालयात आयोजित करण्यात आली आहे. या बैठकीला जळगाव जिल्हा निरीक्षक भास्करराव काळे , जिल्हाध्यक्ष प्रमोद पाटील ,कार्याध्यक्ष शाळीग्राम मालकर, ओबीसी सेलचे अशोक पाटील, सामाजिक न्यायचे जिल्हाध्यक्ष सुरेश पगारे, युवक जिल्हाध्यक्ष उमेश पाटील यांच्यासह पक्षाचे सर्व प्रमुख पदाधिकारी आणि कार्यकर्ते उपस्थित राहणार आहेत.
या बैठकीत जिल्हा आणि तालुका पातळीवरील विविध विषयांवर चर्चा होणार असून येत्या काळातील रणनीती ठरवण्यात येणार आहे. तर प्रदेश उपाध्यक्ष तथा मा आ डॉ. बी. एस. पाटील, जिल्हा बँक संचालिका तिलोत्तमा पाटील आणि प्रदेशाध्यक्ष (ग्रंथालय सेल) उमेश पाटील यांचीही या बैठकीला प्रमुख उपस्थिती राहणार आहे. तरी बैठकीला सर्व पदाधिकारी व कार्यकर्त्यांनी उपस्थित राहण्याचे आवाहन तालुकाध्यक्ष सचिन पाटील यांनी केले आहे
कार्यकर्त्यांनी उपस्थित राहावे तालुकाध्यक्ष सचिन पाटील
या बैठकीस जिल्हा आणि तालुका पातळीवरील पक्षाच्या हालचालींचा आढावा तसेच येत्या निवडणुकांच्या दृष्टीने रणनीती आखणे तसेच पक्षाच्या विस्तारासाठी नवीन कार्यकर्त्यांची नियुक्ती आणि पक्षाच्या विविध शाखा आणि सेल यांच्या कामकाजाचा आढावा घेतला जाणार आहे म्हणून या बैठकीला पक्षाच्या सर्व पदाधिकारी वकार्यकर्त्यांनी उपस्थित राहावे.
सचिन पाटील – तालुकाध्यक्ष राष्ट्रवादी SP
