राष्ट्रवादी शरदचंद्र पवार पक्षाकडून ऑफर आल्याचे सांगत माजी आमदार संभ्रम निर्माण करीत आहेत…श्याम पाटील
काही दिवसांपूर्वी माजी आमदार शिरीष चौधरी यांनी राष्ट्रवादी शरदचंद्र पवार पक्षाकडून ऑफर बाबत दिली होती प्रतिक्रिया…
अमळनेर : मतदार संघातील माजी आमदार हे मला राष्ट्रवादी काँग्रेस शरदचंद्र पवार पक्षाकडून ऑफर आली असल्याचे सांगत जनतेत आपले नाव उंचावण्याचा असेच स्वतःचे महत्व वाढवून घेण्याचा प्रयत्न करीत आहेत व राष्ट्रवादीचे पदाधिकारी, कार्यकर्ते यांच्यात संभ्रम निर्माण करण्याचा प्रयत्न करीत आहेत. असे राष्ट्रवादी शरदचंद्र पवार पक्षाचे अमळनेर शहराध्यक्ष श्याम पाटील यांनी म्हटले आहे. उलट पक्षश्रेष्ठींकडून मिळालेल्या माहितीनुसार काही माजी आमदार शरद पवार व इतर लोकांना देखील भेटून आल्याचेही श्याम पाटील यांनी सांगितले आहे.
गेल्या काही दिवसांपूर्वी माजी आमदार शिरीष चौधरी यांच्या राष्ट्रवादी शरदचंद्र पवार पक्षाकडून उमेदवारीची शक्यता बाबत काही माध्यमांवर बातम्या आल्या होत्या, यावर चौधरी यांनी प्रतिक्रिया दिली होती की, मला राष्ट्रवादी काँग्रेस शरदचंद्र पवार पक्षाकडून ऑफर आहे मात्र मी ती घेणार नाही व अपक्षच उमेदवारी करेल. यावरून राष्ट्रवादी शरदचंद्र पवार पक्षाचे शहराध्यक्ष श्याम पाटील यांनी ही टीका केली असल्याचे समजते.
प्रतिक्रिया…
महाविकास आघाडीचे कार्यकर्ते व पदाधिकारी यांच्यात सभ्रम निर्माण करत स्वतःचे महत्व वाढवून घेण्यासाठी काही लोकांकडून आपल्याला ऑफर असल्याचा बातम्या पेरण्यात येत आहेत त्याउलट आम्हाला पक्षश्रेष्ठींकडून मिळालेल्या माहितीनुसार काही माजी आमदार आदरणीय शरद पवार साहेब व प्रदेशाध्यक्ष जयंत पाटील साहेब यांना भेटण्यासाठी वारंवार प्रयत्न करत असून त्यांना अजून भेटीसाठी वेळ मिळालेली नाही…!
श्याम जयवंतराव पाटील
शहराध्यक्ष – राष्ट्रवादी काँग्रेस पक्ष शरदचंद्र पवार , अमळनेर
