अमळनेरच्या पूनम पाटील यांना महाराष्ट्र आयकॉन अवॉर्ड प्रदान
अमळनेर : अमळनेर तालुक्यातील टाकरखेडा येथील मातोश्री इंदू ताई शेतकरी उत्पादक कंपनीच्या चेअरमन सौ. पूनम भटू पाटील यांना लाईफ बलुम इंडियाच्या वतीने महाराष्ट्र आयकॉन अवॉर्ड 2024 प्रदान करण्यात आला. हा पुरस्कार नाशिक विभागीय कृषि उपसंचालक जगदीश पाटील, कृषि भुषण निकम सर आणि जोशी सर यांच्या हस्ते प्रदान करण्यात आला.
सौ. पाटील यांनी जळगाव जिल्ह्यातील 100 शेतकरी गटांची स्थापना करून टाकरखेडा येथे शेतकरी उत्पादक कंपनी उभारली आहे. त्यांनी कृषि सेवा केंद्र, कृषि अवजारे बँक आणि शेतमाल खरेदी केंद्रही सुरू केले आहे. सध्या त्या शेतमाल प्रक्रिया उद्योग आणि शेतमाल साठवण गोदाम बांधकामावर काम करत आहेत.
या उल्लेखनीय कार्याबद्दल सौ. पाटील यांचा धरणगाव पंचायत समितीचे सभापती प्रेम राज पाटील, वैद्यकीय सेल्स संचालक डॉ. नितीन पाटील, भगवती मेडिकलचे संचालक भाऊसाहेब पाटील आणि यशदा मास्टर्स ट्रेनर्स भटू पाटील, प्रविण पाटील यांनी सत्कार करून त्यांना शुभेच्छा दिल्या आहेत.
सौ. पाटील यांचे योगदान:
* जळगाव जिल्ह्यात 100 शेतकरी गटांची स्थापना
* टाकरखेडा येथे शेतकरी उत्पादक कंपनीची स्थापना
* कृषि सेवा केंद्र, कृषि अवजारे बँक आणि शेतमाल खरेदी केंद्र
* शेतमाल प्रक्रिया उद्योग आणि शेतमाल साठवण गोदाम बांधकाम (प्रगतिपथावर)
अवॉर्ड:
सौ. पाटील यांचे कार्य हे शेतकरी समाजासाठी प्रेरणादायी ठरणार आहे.
