जनतेच्या आग्रहास्तव कृषिभूषण पाटील निवडणूक लढवणार…
मेळावा घेऊन करणार घोषणा
अमळनेर : महाविकास आघाडीत राष्ट्रवादी शरद पवार गटास जागा सुटल्याने सध्या उमेदवारीसाठी मोठी रस्सीखेच सूरु आहे. कृषिभूषण साहेबराव पाटील यांनाच उमेदवारी मिळेल अशी शक्यता आधी वर्तवण्यात येत होती. मात्र अचानक काल साहेबराव पाटील यांनी राष्ट्रवादी शरद पवार पक्षाचे शाम पाटील यांना जाहीर पाठिंबा दिल्याची बातमी आली. मात्र यानंतर जनतेत जाराजी व्यक्त होत होती, तर काही लोकांनी साहेबराव पाटील यांनी उमेदवारी घ्यावी यासाठी राजवड गाठले व साहेबराव पाटील यांची भेट घेतली. लोकांना आग्रह वाढू लागला असल्याने कृषिभूषण साहेबराव पाटील यांनी मी उमेदवारी करेल असे दिव्य लोकतंत्रशी बोलतांना म्हटले आहे.
उद्या किंवा परवा मध्ये आपण मेळावा घेऊन आपली बाजू मांडत जाहीर करणार असल्याचेही पाटील यांनी म्हटले आहे. मात्र पक्ष की अपक्ष याबाबत अजून संभ्रम निर्माण होत आहे.
