धुळे रोडवरील ७० हजारांच्या कथित व्यवहाराचा मुद्दा ऐरणीवर

पोलीस प्रशासनाच्या भूमिकेकडे लक्ष

अमळनेर : शहरातील काही उच्चभ्रू वस्त्यांमध्ये कुंटणखाने सुरू असल्याची बाब समोर आली असून, या प्रकारांमुळे परिसरातील नागरिकांना त्रास सहन करावा लागत आहे. त्यामुळे संबंधित ठिकाणी सुरू असलेल्या प्रकारांची चौकशी करून पोलीस प्रशासनाने ठोस भूमिका घ्यावी, अशी अपेक्षा व्यक्त होत आहे.

शहरातील निवासी भागांमध्ये असे प्रकार सुरू असल्यास त्याची दखल घेऊन कायद्यानुसार कारवाई करणे आवश्यक आहे. मात्र, संबंधित ठिकाणांबाबत पोलिसांनी आतापर्यंत कोणती कारवाई केली, आणि नाही केली तर का केली नाही याबाबत अधिकृत माहिती समोर येणे गरजेचे आहे.

पोलिसांचे दुर्लक्ष ?

अमळनेरमधील काही परिसरांबाबत नागरिकांमध्ये चर्चा सुरू असल्याने पोलीस प्रशासनाच्या भूमिकेकडे लक्ष लागले आहे. संबंधित ठिकाणांबाबत पुरावे उपलब्ध असल्याचा दावा केला जात असताना, त्यांची अधिकृत पडताळणी करून वस्तुस्थिती स्पष्ट करण्याची आवश्यकता आहे.

संबंधित ठिकाणांची चौकशी करावी आणि कायद्याचे उल्लंघन आढळल्यास नियमानुसार कारवाई करणे ही संबंधित यंत्रणांची जबाबदारी आहे.

धुळे रोडवरील ७० हजारांच्या कथित व्यवहाराची चर्चा

दरम्यान, अमळनेरच्या धुळे रोड परिसरात ‘पिटा’च्या नावाखाली ७० हजार रुपयांचा कथित आर्थिक व्यवहार झाल्याचा मुद्दाही चर्चेत आहे. म्हणून वरिष्ठ अधिकाऱ्यांनी याची चौकशी करावी ही मागणी होत आहे. 

 वरिष्ठ पोलीस अधिकाऱ्यांनी लक्ष घालण्याची गरज

अमळनेर शहरातील संबंधित ठिकाणांबाबत पडताळणी करून आवश्यक ती कारवाई करावी. तसेच धुळे रोडवरील ७० हजार रुपयांच्या कथित व्यवहाराबाबतही निष्पक्ष चौकशी करून वस्तुस्थिती स्पष्ट करावी, अशी अपेक्षा आहे.