नागरिकांच्या समस्यांवर त्वरित प्रतिसादामुळे वाढला विश्वास

अमळनेर : नगरपरिषद निवडणुकीची रंगत वाढत असताना प्रभाग क्रमांक 6 मध्ये शहर विकास आघाडीचे अधिकृत उमेदवार मनोज दाजीबा पाटील यांना मतदारांकडून उत्स्फूर्त आणि सकारात्मक प्रतिसाद मिळत आहे. घरदारी भेटी, जनसंपर्क दौरे आणि थेट संवादाच्या माध्यमातून त्यांनी मतदारांपर्यंत पोहोचत विश्वासाचे बंध अधिक दृढ केले आहेत.

गेल्या काही काळात प्रभागातील विविध विकासकामांना दिलेली गती, नागरिकांच्या समस्या ऐकून त्यावर त्वरेने उपाययोजना करण्याची त्यांची कार्यपद्धती आणि साधेपणाने लोकांमध्ये मिसळणारा स्वभाव यामुळे त्यांच्याबद्दलचा विश्वास अधिक बळकट झाला आहे.

स्थानिक नागरिकांच्या अडचणी जाणून घेऊन त्यांच्या गरजेनुसार निर्णय घेणे आणि विकासाला प्राधान्य देणारी त्यांची भूमिका यामुळे प्रभागात ‘मनोज पाटील म्हणजे विश्वासाचे प्रतीक’ अशी चर्चा रंगू लागली आहे.

प्रचारादरम्यान मिळणाऱ्या वाढत्या प्रतिसादाच्या पार्श्वभूमीवर, प्रभाग क्रमांक 6 मध्ये मनोज पाटील मजबूतपणे आघाडी घेत असल्याचे राजकीय वर्तुळात प्रकर्षाने जाणवत आहे.