“प्रभागात सध्या एकच नाद – विद्या भदाणेंना मिळतोय मोठा साथ–समर्थनवाद”

अमळनेर : नगरपरिषद निवडणुकीत प्रभाग क्रमांक 16 (ब) मधील उमेदवार विद्या संजय भदाणे यांच्या प्रचाराला दिवसेंदिवस वेग येत असून मतदारांकडून त्यांना उत्स्फूर्त प्रतिसाद मिळत आहे. प्रभागभर सुरू असलेल्या चर्चेनुसार, “प्रभागात सध्या एकच बात, विद्या भदाणेंना देणार साथ” असा नारा जोरात घुमत आहे.

प्रचाराच्या पहिल्या टप्प्यापासूनच भदाणे यांच्यासमोर नागरिकांनी दाखवलेला विश्वास कायम राहिल्याचे चित्र असून, नुकत्याच झालेल्या प्रचार रॅलीत मोठ्या संख्येने मतदार सहभागी झाले. विविध भागांतील नागरिकांनी त्यांचे औक्षण करून स्वागत केले. रॅलीदरम्यान महिलांचा सहभाग विशेषत्वाने लक्षवेधी होता.

यापूर्वी प्रभागातील अनेक महत्त्वपूर्ण विकासकामांना माजी मंत्री व विद्यमान आमदार अनिल भाईदास पाटील यांच्या नेतृत्वाखाली चालना मिळाली आहे. या विकासकामांच्या रूपाने प्रभागाला मोठा लाभ झाल्याचे स्थानिक पातळीवर मानले जाते.

विद्या भदाणे यांचे चरंजीव भूषण भदाणे यांनीही या विकासकामांच्या पाठपुराव्यात मोलाची भूमिका बजावली असल्याचे सांगितले जाते. भूषण भदाणे हे आमदार अनिल पाटील यांचे गेल्या अनेक वर्षांपासून खंदे समर्थक असून प्रभागाच्या सर्वांगीण विकासासाठी त्यांचे योगदान लक्षणीय ठरले आहे.

प्रभागातील जाणकार नागरिकांचे मत असे की, नेतृत्वाचा अनुभव, विकासकामांचा वेग आणि स्थानिक पातळीवरील संपर्कसूत्रे यांच्या आधारावर विद्या भदाणे यांच्या उमेदवारीला चांगला प्रतिसाद मिळत असून आगामी निवडणुकीत त्यांना याचा निश्चित लाभ होऊ शकतो.