लोकाभिमुख कार्यशैलीमुळे प्रभागात सकारात्मक वातावरण

अमळनेर : नगरपरिषद निवडणूक २०२५च्या तयारीला वेग आला असून प्रभाग क्र. १७ (अ – महिला राखीव) मध्ये सौ. स्वप्ना विक्रांत पाटील यांच्या जनसंपर्काला मतदारांकडून उल्लेखनीय प्रतिसाद मिळत आहे. त्यांच्या विकासाभिमुख कामकाजावर आणि लोकाभिमुख कार्यशैलीवर नागरिकांचा वाढता विश्वास स्पष्टपणे जाणवत आहे.

माजी नगरसेवक विक्रांत भास्करराव पाटील यांच्या सहकार्याने सौ. स्वप्ना पाटील या श्रीकृष्णपुरा आणि वडचौक परिसरात सक्रिय जनसंवाद साधत आहेत. “प्रत्येक घरातील समस्या हीच माझी जबाबदारी” या कार्यधोरणानुसार त्या नियमितपणे नागरिकांच्या भेटी घेत आहेत.

महिला व युवकांचे प्रश्न, तसेच स्वच्छता, पाणीपुरवठा आणि रस्ते यांसारख्या मूलभूत सुविधांवर त्यांचे विशेष लक्ष केंद्रित आहे. या दांपत्याच्या प्रयत्नातून प्रभागातील सार्वजनिक स्वच्छतेत सुधारणा झाली असून नागरिकांच्या मागण्यांचे वेळेवर निराकरण होण्याला गती मिळाली आहे.

“उपलब्ध राहून काम करणाऱ्या उमेदवाराला पुन्हा संधी द्यावी,” असा सूर सर्वसामान्य मतदारांमध्ये उमटत असल्याने प्रभाग क्र. १७ (अ) मध्ये सौ. स्वप्ना पाटील या मतदारांच्या पसंतीच्या अग्रस्थानी दिसत आहेत.