प्रभाग १ मध्ये कैलास पाटील यांना प्रचंड जनसमर्थन!

अमळनेर : शहरातील जनतेच्या मनावर घर करणारे, नेते नामदेवराव पाटील यांच्या समाजकार्याचा वारसा पुढे नेणारे कैलास नामदेव पाटील आता जनसेवेचा वसा राजकारणाच्या माध्यमातून पुढे नेत आहेत. प्रभाग क्रमांक १ मधील मतदारांमध्ये त्यांना जबरदस्त प्रतिसाद मिळत असून, त्यांच्या प्रचाराला अक्षरशः जनतेचा उत्स्फूर्त पाठिंबा लाभत आहे.

कैलास पाटील हे गेल्या अनेक वर्षांपासून सामाजिक, शैक्षणिक आणि धर्मादाय क्षेत्रात सक्रिय राहिले असून, प्रत्येक घटकाला मदतीचा हात देण्याचा त्यांचा पक्का स्वभाव आहे. कोविड काळात मदत करताना त्यांनी दाखवलेले कार्य आजही जनतेच्या लक्षात आहे. “जनतेची सेवा हेच माझे राजकारण,” असे स्पष्ट मत ते मांडतात.

प्रभाग क्रमांक १ मध्ये प्रत्येक गल्लीबोळात कैलास पाटील यांचा जनसंपर्क दौरा जोरात सुरू आहे. नागरिकांशी आत्मीयतेने संवाद साधत त्यांच्या समस्या ऐकून घेण्याची त्यांची पद्धत सर्वांना भावते आहे. अनेक नागरिकांनी “कैलासतात्या आमचे खरे सेवक आहेत, त्यांना यावेळी संधी मिळालीच पाहिजे” असे मत व्यक्त केले आहे.

स्थानिक विकासाचे नवे दालन उघडण्यासाठी आणि समाजकार्याचा विस्तार करण्यासाठी कैलास पाटील यांना मिळणारे हे जनसमर्थन आगामी निवडणुकीत निर्णायक ठरण्याची शक्यता वर्तवली जात आहे.
अनेक सामाजिक संघटनांनी देखील त्यांच्या उमेदवारीचे स्वागत करत त्यांना पाठिंबा जाहीर केला आहे.

“आमच्या वडिलांनी आयुष्यभर जनतेसाठी झटले, तोच वारसा आता राजकारणातून पुढे नेण्याचा प्रयत्न करतो आहे. राजकारण हे जनसेवेचे प्रभावी व्यासपीठ आहे,” असे कैलास पाटील यांनी सांगितले.

प्रभाग क्रमांक १ मध्ये आजवर पाहिल्या गेलेल्या प्रचार मोहिमांमध्ये सर्वाधिक लोकसहभाग कैलास पाटील यांच्या प्रचाराला दिसून येत आहे. अमळनेरमधील विकासाचे स्वप्न साकार करण्यासाठी मतदार वर्ग आता ‘कैलासतात्यांच्या’च्या पाठीशी ठामपणे उभा आहे.