कृषिभूषण पाटील आणि डॉ. शिंदे साथ – साथ है !
कृषिभूषण साहेबराव पाटलांच्या साथीने ४२ खेड्यांमध्ये डॉ. शिंदेंचा हात होणार मजबूत
अमळनेर : महाविकास आघाडीचे अधिकृत उमेदवार डॉ. अनिल शिंदे व कृषिभूषण साहेबराव पाटील हे साथ – साथ असल्याचे समजते. कारण डॉ. अनिल शिंदे यांचा प्रचार दौरा माजी आमदार कृषिभूषण साहेबराव पाटील यांच्या राजवड गावात गेला तेव्हा साहेबराव पाटील यांनी डॉ. शिंदे यांचे स्वागत केल्याची माहिती आहे.
माजी आमदार साहेबराव पाटील यांची विधानसभेत उमेदवारी घेण्याची इच्छा व अचानक घेतलेली माघार यामुळे मतदार संघात अनेकांना धक्का बसला होता. मात्र त्यांच्या व डॉ. शिंदे यांच्या भेटीमुळे पारोळा तालुक्यातील ४२ खेड्यांमध्ये कृषिभूषण साहेबराव पाटील यांच्या डॉ. अनिल शिंदे यांना मिळणाऱ्या साथीने नक्कीच शिंदे यांचा हात मजबूत होण्याची चिन्हे आहेत.
