डॉ. अनिल शिंदे महाविकास आघाडीतर्फे आज दाखल करणार उमेदवारी अर्ज….
सर्व धार्मिक स्थळांचे आशीर्वाद घेत निघणार रॅली…
अमळनेर : महाविकास आघाडीचे अधिकृत उमेदवार डॉ. अनिल शिंदे हे आज आपला उमेदवारी अर्ज दाखल करणार आहेत. अमळनेर येथील वाडी संस्थान येथून सकाळी 10:30 वाजता रॅलीला सुरुवात होऊन सर्व धार्मिक स्थळं व इतर महामानवांना अभिवादन करत, त्यांचे आशीर्वाद घेत मोठ्या दिमाखाने ही रॅली अमळनेर उपविभागीय अधिकारी कार्यालयापर्यंत येणार आहे.
डॉ. अनिल शिंदे यांनी आपल्या जीवनात अनेक रुग्णांचे प्राण वाचवले असून त्यांचे अमळनेर मतदार संघात लाखांच्यावर रुग्ण मतदार आहेत. शिंदे यांनी सामाजिक जीवनात काम करीत असतांना कोणासोबतही भेदभाव केला नसल्याने त्यांच्या उमेदवारीमुळे अनेक लोकं आनंदी असून उत्साही आहेत.
