सुप्रिया सुळेंच्या सभेत कृषिभूषण पाटलांच्या समर्थनार्थ निदर्शने…
दिव्य लोकतंत्रचे वृत्त ठरले खरे….
अमळनेर : सुप्रिया सुळे यांच्या दौऱ्याआधीच राष्ट्रवादी शरदचंद्र पवार पक्षाच्या पदाधिकाऱ्यांमध्ये दुफळी निर्माण झाली असून दौऱ्यादरम्यान निदर्शने होण्याची शक्यता आहे असे वृत्त दिव्य लोकतंत्रने शनिवारी प्रकाशित केले होते. मात्र नंतर त्या पदाधिकाऱ्यांमध्ये समझवता झाल्याचे सांगण्यात येत होते.
तर शनिवारी सभेचा वेळ दुपारी चार वाजेचा होता, सभेस्थळी गर्दी खूप होती. तर महिला वर्ग जाण्याची घाई करत असल्याने सुप्रिया सुळेंनी इतर भाषणं न घेता सरळ भाषणाला सुरुवात केली. सुप्रिया सुळे यांचे भाषण आटोपताच लगेच समोरून काही तरुणांनी माजी आमदार कृषिभूषण साहेबराव पाटील यांच्या समर्थनार्थ निदर्शने केली. यावेळी “एकच वादा, साहेबराव दादा” अशी घोषणा देत “कोण म्हणे येवाव नही, येवा शिवाय रहाव नही” अशीही अहिराणी घोषणा दिली. यावेळी अनेकांचे लक्ष या तरुणांनी वेधले.
