चार दुकानांतून ९ किलो प्लास्टिक जप्त ; एकूण ६५०० हजारांचा दंड

अमळनेर : प्लास्टिक पिशव्यांचा वापर सुरू असल्याने नगर पालिकेच्या पथकाने अचानक धडक मोहीम राबवून चार दुकानदारांना एकूण ६५०० रुपये दंड ठोठावला आहे. यावेळी पथकाने ९ किलो प्लास्टिक जप्त केले. नगर परिषदेकडून ही कारवाई मंगळवार सायंकाळी करण्यात आली.

नगर पालिकेच्या प्लास्टिक विरोधी पथकाने मंगळवारी सायंकाळी शहरातील नानेश ट्रेडिंग, आर के पावभाजी व चायनीज, महेंद्र चायनीज व यश चायनीज, बाजार परिसर, अमळनेर या चार दुकानात बंदी असलेल्या प्लास्टिक पिशव्या, पन्नी आढळून आल्याने कार्यवाही करण्यात आली आहे. यात ज्ञानेश ट्रेंडिंग यांनी बंदी असलेल्या प्लास्टिक साठवणूक व विक्री केल्याबद्दल ५०००/- तर आर के पावभाजी व चायनीज, यश चायनीज, महिंद्र चायनीज यांनी बंदी असलेल्या प्लास्टिक कॅरीबॅग मधून विक्री केल्याबद्दल प्रत्येकी ५००/- रुपये दंड आकारण्यात आला आहे. नगर परिषद मुख्याधिकारी तुषार नेरकर यांच्या मार्गदर्शनाखाली ही कारवाई झाली तर प्लॉस्टिक बंदी पथकात पालिकेचे स्वच्छता निरीक्षक संतोष बिऱ्हाडे , शहर समन्वयक गणेश गढरी, पथक कर्मचारी गौतम बिऱ्हाडे, योगेश पवार, महेंद्र बि-हाडे समाधान बच्छाव, युनूस शेख आदींचा समावेश होता.