शिवसेना उमेदवारांच्या प्रचारार्थ अमळनेरात  डॉ. श्रीकांत शिंदे यांची जाहीर सभा

0

आज दुपारी होणार सभा…

 

अमळनेर : अमळनेर नगरपरिषद सार्वत्रिक निवडणुकीचे वातावरण आता चांगलेच तापू लागले आहे, त्या पार्श्वभूमीवर पक्षाचे स्टार प्रचारकांच्या सभा त्यात रंग भरू लागल्या आहेत. शिवसेनेचे लोकनियुक्त नगराध्यक्ष पदाचे उमेदवार डॉ. परिक्षीत बाविस्कर व नगरसेवक पदाचे उमेदवार यांच्या प्रचारार्थ शिवसेना पक्षाचे संसदीय गटनेते संसदरत्न खासदार डॉ.श्रीकांतजी शिंदे यांच्या जाहीर सभेचे उद्या दि.२६ नोव्हें वार बुधवार दुपारी २ वाजता म्हसकर प्लॉट, स्वामी नारायण मंदिर, स्टेशन रोड, अमळनेर येथे आयोजन केले आहे. असे शिवसेनेचे जिल्हाप्रमुख श्री.वासुदेव पाटील यांनी सांगितले.

अमळनेर शहरात उद्या होणा-या सभेस माजी आमदार शिरीषदादा चौधरी यांनी शिवसेना पक्षाची पूर्ण स्टार प्रचारक नेत्यांना सभेसाठी आमंत्रित केले आहे. ज्यात मुख्य मार्गदर्शक म्हणुन जिल्ह्याचे पालकमंत्री तथा राज्याचे पाणी पुरवठा मंत्री ना.गुलाबरावजी पाटील व राज्याचे शालेय शिक्षण मंत्री ना.दादाजी भुसे उपस्थित राहुन मार्गदर्शन करणार आहेत. उद्याच्या सभेसाठी शिवसेना सचिव मा.भाऊसाहेब चौधरी, मा.संजयजी मोरे हे खास करून उपस्थित राहणार आहेत. यावरून हे स्पष्ट दिसतेय की, शिवसेना पक्षाने माजी आमदार शिरीषदादा चौधरी यांच्या मागे पूर्ण ताकद उभी केली आहे व शिवसेनेचे मुख्य नेते तथा उपमुख्यमंत्री ना.एकनाथजी शिंदे यांच्या मार्गदर्शनाखाली नगरविकास खात्याच्या माध्यमातुन शहरास भरघोस असा निधी मिळेल व अमळनेर शहराचा विकासाचा अनुशेष भरून निघेल अशी अपेक्षा डॉ. परिक्षीत बाविस्कर यांनी व्यक्त केली.

शहरात प्रथमच डॉ. श्रीकांत शिंदे यांच्या होणा-या सभेस शिवसेनेचे वरील सर्व शिवसेना नेते यांच्या सह जिल्यातील शिवसेनेचे आ.चंद्रकांत सोनवणे, आ.किशोर पाटील, आ.चंद्रकांत पाटील, आ.अमोल पाटील, शिवसेना जिल्हाप्रमुख वासुदेव पाटील, महिला आघाडी प्रमुख सरीताताई माळी-कोल्हे, युवासेना जिल्हाप्रमुख रोहित कोगटा, मा.ललिताताई पाटील, डॉ. प्रमिलागीरी गोसावी यांची प्रमुख उपस्थिती राहणार आहे. शिवसेनेचे सर्व आजी माजी नगरसेवक, जि.प., पं.स.सदस्य, सरपंच, सदस्य, शिवसैनिक, सर्व आघाड्यांचे प्रमुख पदाधिकारी व मतदार बंधु-भगिनींनी जास्तीत जास्त संख्येने उपस्थित राहण्याचे आवाहन शिवसेना तालुकाप्रमुख सुरेश पाटील यांनी केले आहे.

Leave a Reply

Your email address will not be published. Required fields are marked *

error: Content is protected !!