घरदार संपर्क, गाठीभेटी आणि प्रत्यक्ष संवादातुन प्रचार

अमळनेर : नगरपरिषद निवडणूक २०२५ च्या पार्श्वभूमीवर प्रभाग क्रमांक 14 अ मध्ये अपक्ष उमेदवार सौ. सुवर्णा हटकर यांच्या प्रचाराला दिवसेंदिवस वेग येत असून मतदारांकडून त्यांना मिळणारा प्रतिसाद उल्लेखनीय वाढताना दिसत आहे.

घरदार संपर्क, गाठीभेटी आणि प्रत्यक्ष संवादादरम्यान सुवर्णा तुळशीराम हटकर यांनी प्रभागातील नागरिकांच्या समस्या, मूलभूत सुविधांची कमतरता तसेच विकासाच्या गरजांवर थेट चर्चा केली.

त्यांच्या साधेपणाने, स्पष्ट भूमिकेने आणि काम करण्याच्या बांधिलकीमुळे नागरिकांमध्ये त्यांच्याबद्दल सकारात्मक भावना निर्माण झाल्याचे दिसून येत आहे. प्रभागात महिला मतदार, युवक वर्ग आणि ज्येष्ठ नागरिकांकडून सुवर्णा हटकर यांना उत्स्फूर्त पाठिंबा मिळत आहे. प्रचार मोहिमेत स्वयंप्रेरणेने वाढणारी कार्यकर्त्यांची उपस्थितीही उल्लेखनीय ठरत आहे.

नागरिकांच्या म्हणण्यानुसार, “साधी, सोपी, सर्वांना मिळून घेणारी व प्रभागाच्या गरजांची खरी जाण असलेली उमेदवार” म्हणून सुवर्णा हटकर यांना पसंती मिळत आहे.

आगामी काही दिवसांत प्रचार अधिक जोमाने राबविण्याची योजना त्यांच्या टीमकडून आखली जात असून, प्रभाग 14 अ मधील निवडणूक चुरशीची होण्याची चिन्हे स्पष्ट दिसत आहेत.