सायब तुम्ही बी….?

अमळनेर येथील २ विद्यमान व १ माजी अधिकाऱ्यांसह इतर प्रतिष्ठित महाभागांचाही  समावेश ?

अमळनेर : राज्यातील तब्बल 72 अधिकारी हनी ट्रॅपच्या (Honey Trap) जाळ्यात अडकल्याचा खळबळजनक दावा एका राजकीय नेत्याकडून करण्यात आला असल्याची बातमी काही दिवसांपूर्वी पासून फिरत आहे. या वृत्तामुळे महाराष्ट्रात मोठी खळबळ उडाली आहे.

नाशिक येथील विषय सुरू असतांनाच अमळनेर येथे देखील काही महाशय व अधिकारी यात अडकले असल्याची खात्रीपूर्वक माहिती समोर आली आहे. सध्या अमळनेर तालुक्यात कार्यरत असणारे म्हणजेच विद्यमान दोन अधिकारी व याआधी कार्यरत असलेला एक अधिकारी असे तीन जण व तालुक्यातील काही प्रतिष्ठित असे या हनी ट्रॅपचे शिकार झाले असल्याची खात्रीशीर सूत्रांची माहिती आहे.

दरम्यान दिव्य लोकतंत्र याबाबत सखोल तपास करीत असून हा हनी ट्रॅप आहे की अधिकारी व इतर महाभागांची रासलीला आहे. हे लवकरच समजेल