रोटरी क्लबतर्फे चित्रकला स्पर्धा संपन्न
शाकाहार, निसर्ग चित्र व आदर्श व्यक्ति या विषयांवर विद्यार्थ्यांनी रेखाटली चित्रे
अमळनेर : येथील रोटरी क्लब विविध स्पर्धा व समाजसेवी उपक्रम राबवत असते. यावर्षी 2024-25 या शैक्षणिक वर्षात शाळा जोमाने सुरू झाल्या व विद्यार्थ्यांना विविध स्पर्धांना सामोरे जावे यासाठी रोटरी क्लब अमळनेर यांनी भव्य चित्रकला स्पर्धेचे आयोजन झाले. सदर स्पर्धेत अमळनेर शहरातील पीबीए इंग्लिश मिडीयम, ग्लोबल व्ह्यू इंग्लिश मिडीयम,श्रीमती द्रौ.रा. कन्या शाळा , स्वामी विवेकानंद इंटरनॅशनल स्कूल , सी.आर.पाटील इंग्लिश मीडियम स्कूल, नॅशनल उर्दू हायस्कूल ,पर्ल इंग्लिश मीडियम स्कूल, अॅड. ललिता पाटील इंटरनॅशनल स्कुल, सेंट मेरी इंग्लिश मीडियम स्कूल या शाळेचे दोनशे पन्नास विद्यार्थी स्पर्धेत सहभागी झाले होते.स्पर्धा 4 गटात घेण्यात आली. तिसरी व चौथी एक गट, पाचवी व सहावी दुसरा गट, सातवी व आठवी तिसरा गट, नववी व दहावी चौथा गट. चार गट मिळून स्पर्धेत 250 विद्यार्थ्यांनी सहभाग नोंदविला . चित्र स्पर्धेत सर्व सहभागी विद्यार्थ्यांनी शाकाहार,निसर्ग चित्र, गणपती,विविध आदर्श व्यक्ति या विषयावर चित्र काढली व रंगवली.
स्पर्धेत सहभागी सर्व विद्यार्थ्यांना पट्टी, बिस्किट व चॉकलेट देण्यात आले. दोन तास चाललेल्या या चित्र स्पर्धेत दिनेश पालवे,दिलीप पाटिल, ,अशोक पाटील, हर्षा सपकाळे यांनी सर्व स्पर्धेची जबाबदारी सांभाळली.चित्र स्पर्धा यशस्वी करण्यासाठी रोटरी क्लब प्रेसिडेंट ताहा बुकवाला , सेक्रेटरी विशाल शर्मा , प्रोजेक्ट चेअरमन डॉ. शरद बाविस्कर, प्रोजेक्ट चेअरमन देवांग शाह , सदस्य डॉ. राहुल मुठे ,रोहित सिंघवी, प्रा.दिलीप भावसार, विजय पाटिल , कीर्ति कोठारी , विजय माहेश्वरी , सुहास राने , अभिजीत भंडारकर , दिनेश रेज़ा या सर्वांनी सहकार्य केले. चित्र स्पर्धेचा निकाल 22 सप्टेंबरला लागणार आहे. तो आपल्या शाळेत कळविला जाईल असे पत्रकान्वये रोटरी क्लब ने कळविले आहे.
