पाणीपट्टीच्या नावाने जनतेची लूट थांबवा…
माजी आमदार शिरीष चौधरी यांचे मुख्यमंत्र्यांना पत्र
अमळनेर : तालुक्यातील जनता दुष्काळाच्या चटक्यांतून अजूनही सावरलेली नसताना थकीत पाणीपट्टीवर कर वसूल करत नगरपरिषदेने नागरिकांची लूट सुरू केल्याने नागरिकांमध्ये कमालीचा रोष निर्माण झाला आहे. कल्याणकारी राज्यात दुष्काळी परिस्थितीत जनतेला विविध सवलतींच्या माध्यमातून दिलासा देणे अपेक्षित असते, मात्र अमळनेर नगरपरिषदेने पाणीपट्टीवर झिजिया कर लादत अमळनेर शहरात मोगलाईचे राज्य सुरू केले आहे. जनतेची ही लूट थांबविण्यासाठी माजी आमदार शिरीष चौधरी यांनी पुढाकार घेतला असून थेट मुख्यमंत्र्यांना पत्र लिहून जनतेची लूट थांबवण्याची विनंती केली आहे.
